.................الحب بلا حب.........................
بحبك كلمة قالها كتير
..........................م البشر لكن ميفهموهاش
قالها مريض شهوة لحرمة
....................وحروفها بعد لسانه متتعداش
وقالها زميل لزميله وكأنه
.................. لا قالها وزميله حتى مسمعاش
وقالها زوج لزوجته وزوجة
...........لزوجها وهيه بعد لسانهم متتخطاش
وقالها على القهوة ببراءة
......................للشيشة ولد بلطجى حشاس
وقالها صاحب مصلحة
.................وبعد ماإنقضت مشى مكررهاش
وقالها على الطاير ولد
...... ...........داير على النت لبنت ميعرفهاش
وقالها منافق للى يستهلها
....................من الخلايق وللى ميستهلهاش
وقالها جار لجاره وخانه
.................ونسى حقوق الجيرة ولاصنهاش
وقالها صاحب لصاحبه
................ويوم ما إحتاجه إختفى ومجاش
وقالها إرهابى على دينه وهوه
.....................موجه لصدر المسلمين رشاش
وقالها نصاب لغيره وبعد
.................نجاح نصبته هجر بلده معتبهاش
وقالها خاين لوطنه وبعدها صار
............... له عدو وكأنه لاإتولد فيه ولاعاش
فبلاش نسيئ للحب بتصرفات
..................وكلام ومعانى واجب منعملهاش
لأن كلمة بحبك وبحبك ليها
...................معانى سامية ياريت منهملهاش
ونقولها من قلبنا لأنها من ورا القلب
.. .حروف بلا معنى من لسان خسيس غشاش
........................مع تحيات..........................
....................محمد جمال فايد....................
...............جمهورية مصر العربية..................
........كفر شبرا زنجى الباجور منوفية............
ليست هناك تعليقات:
إرسال تعليق