تحرش مترو ...كلمات /بكرحمد

تحرش مترو
كلمات /بكرحمد
بجري من بيتنا بسرعة
عشان ألحق شغلي
بدل ما يتخصم مني
الساعة بساعتين
نزلت محطة مترو
اقطع تذكرة ليا
وكل شباك عليه
بالصف والصفين
رحت نازل ع الرصيف
والناس رايحة وجاية
وكأني بقول لنفسي
أستنى ف حاجة جاية
بصيت يمين وشمال
والناس ورا وقدام
مفيش غير الكلام
وكلام بيجيب كلام
بصيت لمحت عينيها
خطفت ما بيني وبينها
وكانت زي النسيم
ولاقيت سكوت ف مكاني
وكأن الدنيا فاضية
ومفيش بني آدمين
وعينيها كانت ثابتة
في كل حاجة فيا
وعايز أروح أكلمها
وأقولها أنتي مين
ورحت عشان اسئلها
والناس كلهم واقفين
أتفاجئت بأيدها عصاية
وأنها من المكفوفين
ساعتها كرهت نفسي
لأن  سوء ظني لبسني
وكمان أتحرشت بفكري
ودا أسوء من تحرش الأيدين
ومن يومها تعلمت الدرس
وأني أغض كل بصري
وكأني من المكفوفين.