آوقات ....
~~~~~~~~~~~~~~~~~~~~~~~~
أوقات
أوقات.....واوقات
نحس فيها
اننا ملكنا الدنيا كلها في ايدينا
كل مافيها أصبح لينا
موجود علشانا
مخلوق لينا
القمر في السما
بيردد همسنا
الشمس في الفضا
هي شمسنا
اوقات ....
أوقات
أوقات .....وأوقات
نحس فيها
ان اللي كانوا في يوم حوالينا
اصبحوا بعاد علينا
نرجع من تاني
في نفس السيره
نفس الحيره
مابين الحقيقه والاماني
نفتكر وننسي
اجمل المعاني
اوقات ....
اوقات
تجينا فكره وتروح منا فكره
نسال سؤال ونستني الجواب
ايه معني الذكري
لحظه حلوه عشناها
نحن ليها النهارده
ونقول ياسلام
كانت والله ايام
ونرجع أوام ننساها
اوقات ...
اوقات
ياتري ايه هايكون عن بكره
وايه اللي ممكن هايجري
تحقيق امال والاعتاب
ولما يجي بكره
يبقي النهارده امبارح
يرجع البال تاني سارح
في اللي كان
ايام زمان
نرجع نفتكر وننسي
نسامح ونآسي
وتمر الايام
مابين احلام و أوهام
أوقات ...
كلمات
م . عثمان عبدالعزيز عثمان محمد
ليست هناك تعليقات:
إرسال تعليق