ساعة تنفيس...محمد العمراني

ساعة تنفيس
@@@@@@@@
مسكونى ست انفار
بصولى باستحقار
ونزلو فيا سباب
رديت سباب بسباب
وصنفونى ارهاب
مضونى على اقرار
قالولى دور لفيييت
قالولى امشى مشيت
قالولى اجرى جريت
وكعب داير  جيت
شلوت وجوز اقلام
قبضت منهم كام
والساعه كام بتنام
ولبسونى حزااام     
مليينه ب الالغام
ومرش ع الاعدااام
واتحددت مواعيد
و اتظبط التوقيت
واتنجرت توابيت
وجهزولى حنوط
اقرارى فيه محطوط
وكل شيء مظبوط
والساعه كام راح اموت
سمونى موتورتاح
ولبسونى وشاح
ومسكونى سلاح
وجزو راسى بالموس
وملولى جيبى بفلوووس   
وبفسبا ليها فانوس
وياللا مرش ودوس
وف ليله كلها بوس
زينه وشجر مرصوص
واعياد ميلاد وقسوس
وكل شيء مدروس
اول ما طفوا فانوس
راح الزرار مكبوس
وفى المكان مخصوص
بوم بوم وبوم  فى كنيس
وتيت وتيت يابوليس
ولملمونى ف كيس
والنشره بكره تهيص
ويدققوا التمحيص
فى ساعة التنفيس
@@@@@@@
محمد العمرانى