غربه
******
اشتقت يا امه
لأكل بلدى
للقمه بلدى
لبيضه بلدى
لسمنه بلدى
وفرخه بلدى
وقاعده التواليت
حتى البلدى
ما هو شوفى
يا تيجبينى
يا إما تجينى
واللا خلاص مابقاش
عاجبك خلقتى وتكوينى
ومش طايقه تشوفينى
طب لومينى
اشتمينى بهدلينى
فككينى ورتبينى
بس ما تقوليش ارهابى
وتطعنينى ف دينى
وان كونت
ماشى شمال ف دينى
علميني فين شمالى
وفين يمنينى
مش تشنوقينى
و تعدمينى
فاقده ليه فيا الأمل
اكونش بورت يامه ؟
وعدا قطرى؟
ليه تحرمينى
من خواطرى
وحابسه سطرى
بنقطه سوده
وتحصورينى
بين هوامش خوف
وفى الآخر
جايه تلومينى
هان عليكى تغَرَّبينى
روحى يا اما
نامى تانى
واحلمى
ولما اجيلك فى المنام
وها تشوفينى
هتفهمى
@@@
محمد العمرانى
ليست هناك تعليقات:
إرسال تعليق