دموع قلم
قلمي معايا
ليا مرايا
يكتب فرحي واسايا
وعلي طول مطاوعني
ولامره فكر يبعني
وعلي طول ملازمني
ويكتب اللي بقوله
ولايخلف قوله
مهما غيره يقوله
ماهو قلمي وعارفه
بيحبني وبحبه
بس له دموع
لما يبعد عن الموضوع
ويبقي في الجيب موجوع
ويبكي بصوت مش مسموع
وياخد علي خاطره
عاوزني اجبر بخاطره
وعاوز علي طول اشاركه
لانه معايا امين
علي حالي امين
غير البني ادمين
عليهم ياصلاة الزين
لاحوالهم كلكم عارفين
ربنا يسعد كل القلام الموجودين
وتبقي من غير دموع
بقلمي محمد سليمان
بقلمي علي طول فرحان
ليست هناك تعليقات:
إرسال تعليق