عزيزى المواطن... بقلمى محمد يونس

عزيزى المواطن
يا اللى ماشى..يا اللى واقف.. يا اللى راكن
انت وقرايبك وجيرانك واصحابك
اسمعونى..لية بتلمونى..فكرونى
فين الشرق وكوكبة
فين الكلمة الحلوة..فين اللحن الجميل
فين التونسى وشمس الاصيل
فين الضحكة الصافية..فين الهدف النبيل
فين العود وفريدة..فين الملاح وتقليدة
فين حليم وتغريدة
فين اللى الكل حبة..الاراجوز وصاحبة
فين العندليب..كان يقدر عيد يغيب
فين بلان..وفوق ضهر الحصان
فين سلطان وفايزة..فين وردة وبليغ
فين قنديل الصوت الجميل
فين مكاوى وفرقتة
اللى كل الناس سمعتة وحبتة
فين محرم وتعب القلوب
وعفاف اللى صوتها
يسكرك .يسحرك
يطربك ويدوبك دوب
فين بركان الالحان
النهر الخالد..على مر الزمان
فين ست الكل شادية
فين الشحرورة صباح
فين الصافى..والكحلاوى المداح
فين رشدى وعدوية
والعزبى وبهية
ياخسارة...ياخسارة...ياخسارة
فين الناس الحلوة دية
يا مطربين..يا فنانين
ياللى عايشين وشايفين
وسامعين المهزلة
كلام رخيص وقبيح
من المزبلة
وشوف واسمع واتفرج
على ناس الاسم بتغنى
وهى بتخرف وتهرج
مافيش راجل بقى راجل
مافيش صاحب يتصاحب
كداب ياخيشة..وبشويش عليا
والطشت قالى..وبحبك ياحمار
يرضيك ياحجار
الفن الجميل ينهار
يا افاضل..مش فاضل
غير السادة الافاضل
الشرنوبى..وحلمى الاسطورة
اللى مايرضهمش
لا اللحن ولا الكلمة
القبيحة المكسورة
وهانى..وكتاب الاغانى
للاصفهانى
بقلمى
محمد يونس