* عليها صابر******* ـــــــمحمود عمار الزلباني

******* عليها صابر*******
ـــــــــــــــــــــــــــــ محمود عمار الزلباني
صابريا دنيا على ظلمك
والصبر ما عرفش أخره أيه
لاحزنى فيكى بيهمك
وليه قلبى بالنار تكويه
ليالى كتير أبات سهران
أنادى سراب ليارسمتيه
وعذابى عليكى هان
وشبابى السنين تطويه
فى لياليكى هجرنى النوم
وعمرى نهاره أصبحت لياليه
وقلبى صبح مهموم
وأحلامه متكسره حواليه
وبرضه صابر على ظلمك
طب أخرة دا كله أيه
احتار الدمع فى عيونى
واللى ضاع بأحن اليه
أحبابى فيكى نسيونى
وجرحى مين يداويه
والصحبه اللى فاتولى
دمعه على خدى بتكويه
طب أنا فيكى كده لوحدى
تذلينى.قولى لى مناكى أيه
يسيل دمعى يزيد سهدى
اللى منحتيه,تعالى خديه
نصيبى فيكى يا قاسية فراق
وأشواق الدموع تمحيه
دا الحزن ليا فيكى مشتاق
وطريقك مكتوب عليا أمشيه
وصابرعلى ظلمك
وصبرى طب لمين أهديه
-------------------------محمودعمارالزلباني