الحكاية مش اتهام..احمد عبد الحق

الحكايه مش اتهام
مش حكايه الخيانه
او حكايه الاهانه
الخلاصه بدون كسوف
ولا ادب..
تمنك النهارده كام
كل شيء وله تمن
حب بتمن
امسك والمس برضو بتمن
ولو طمعت ..اطمع برحتك
بس لازم تقدر علي التمن
حتي العفن
بس للاسف
ماليش في ريحة العفن
---------------------------
كل يوم يعدي
بيثبت اهانتك
وكل ماتداري عيوبك
تبان خيانتك
وكل ماتحاولي تنسي
انسي برحتك
هفكرك وهكتبك
بس الكتابه النهارده تختلف
لازم من خيانتك استلف
وقالوا زمان السلف تلف
وسلف بتلف
للعفن هرجعك
وهجرحك
ولو كان في ايدي
بيدي من حياتي امسحك
ولو علي قلبي اللي حبك
زي ماحبك
هخليه غصب عنه يكرهك
يمكن يرتاح من غرورك
من خيانتك
يمكن يرتاح لمايخسرك
احمد عبدالحق