من ديواني الثاني قصيدة:(آه من المواعيد)
بقلم:عطية خيرة.
----------------------------------------------------
آه مِـن المواعِـيد .. والسُّـهـد والـتَّنـهـيـد
ونـاس كتيـر بتـوعِد..وتخلِـف المواعـيد
آه مِن المواعيد
يقولِّلي جَيّ بُكرة..وتشـوفه بُكـرة ناسـي
وكأن عندُه سَكْرَة..والصبح يقول تَماسي
وأتاري مِش عوايدُه..ييجي يوَفِّي وعدُه
والأمر عادي عندُه..وبيخلِف المواعيد
آه مِن المواعيد
مِش معقول تقولِّلي..جَيّ الساعة ستة!
وابقَـي فـي انـتـظــارك..وأتـوَجَّع بنارَك
ولا شُــــفـت وشَّـــك..ولا مِـــنُّـه حِـتَّـه
وتقولِّلي جَـيّ تاني..وتخلف المواعــيد
آه من المواعيد
وطيارة معادها تِسعة..مِن بَدري أحضَّر
حجاتي
وأدوق مِن البَرد لسعة..وأشوف الزكام
فِيَّه عاتي
أتاري المَعاد مِش مَعادي..وأروح المطار
يحسِـــبونِـــي..أعمَـي بصلَّح ساعاتِـــي
والحيرَة فِيَّه تزيد..
وأروح المحـطـة عشـان..القَطر ييجـي
ف مَعادُه
واستني ولا فيه مكان..والقطر يخـلـف
مَـعاده
وآكُل في نَفسي وأقول..دِالوقت ييجي
ف معاده
ييجي مدخَّن وزحمة..وبرضُـه يخـلـف
معاده
أتاري الحكاية جمـالـه..وشكلـه ييجـي
بسوادُه
وعادتنا دايما بنوعِد..ونخلِف المواعيد
آه مِن المواعيد
ياأمة المواعيد .. عايزين بلدنا تنجح؟
بلاش كلام يكيد..وكلمة طالعة نازلة
وهِيَّه مش أكيد..
حرَّمت أستني تان..بكلمة هايفة فارغة
قالـها حَـد تافِـه .. وبيخلف المَـواعـيد
ياناس كفاية حرام..شرَفنا كلمة صادقة
ودين جميل يقـول..الكلمة مـش كــلام
الكلـمـة كتـــير بتبني.. أمَّـة مِن جديـد
مَبتخلف المواعيد
............وإلي لقاء لتكملة القصيدة..
تحياتي.
ليست هناك تعليقات:
إرسال تعليق