- يا بنت يللي علق قلبي بهواك وهام
- يا ريت قلبك علق يا بنت بهيامي
- يا عايشه في بحر من شك ومن اوهام
- لا تغرقيني معك في بحر اوهامي
- حاجه بكفي جفا هجر وبعد وخصام
- جودي بوصلك كفى تزيدي بالامي
- مهما عليي قسيتي وجارت الايام
- انت بليلي البدر يا شمس ايامي
- جفني ما بعرف غفا عا بعدك وما ينام
- وانت بسرير الهنا والحلم بتنامي
- لا دبن عيسى النبي ولا ديانة الاسلام
- مسمح هيك الهجر وحياة اسلامي
- انت لشعري الوحي يا بنت والالهام
- بفقد لشعري بلاك وبفقد الهامي
- انت بعمري الامل والحب والاحلام
- من دون حبك حتم بتموت احلامي
- وبقبل علي وع قلبي تحكمي اعدام
- والا برموشك ما برضى يكون اعدامي
الأحد، 30 ديسمبر 2018
يا بنت يللي علق قلبي بهواك وهام**********الشاعر محمود شبيب
الاشتراك في:
تعليقات الرسالة (Atom)
ليست هناك تعليقات:
إرسال تعليق