أصل الحكاية ...بقلم /اسماعيل منياوي

اصل الحكايه انك تسلم كل نفسك
للي نصك يبقي ملكه ونص تاني بيستعد
مش بالحساب مش بالقلم
حبك تحبه؟؟؟؟؟.......    ينسي تنسي؟؟؟ ......     كلمه حلوه تردها ؟؟؟
الحب وعد انك تسلم حتي روحك نفسها
من غير قيود من غير حدود
طفل اختصر كل الحاجات
كل اللي فات
رايح وحالف انه ما يفكر يعود
نهر اختصر كل الطرق كل السدود
الميه لو مشيت طريق
مسموح تكمل بس مش مسموح تعود
احساس بياخدك م اللي كان شاغلك اوي
عطشان سنين قرر اخيرا يرتوي
لو بالحساب واحد وواحد
يبقي مليون او يزيد
هتحب صح هتعيش كأنك
عيشت عمرك من جديد
#اسماعيل_منياوي