اه يا راسي ...بقلم /عارف البديوي

اه ياراسي
اه منك ياقاسي
مجنني
مطلع الدم لراسي
طيرت عقلي مني
وخليتني كتيرأقاسي
حيرتني وحيرت قلبي معاك
يوم تحبني ويوم تجافيني
يوم ترضيني ويوم تعاندني
ايام تكون حلو معايا
وأوقات تكون وحش ويايا
ليه كده ياعم
ماترسيلك على بر
بتحبني ولا لأ
فهمني الله يخليك
عايزني ولا ارميك
محتارة معاك محتارة
اعمل ايه حتى ارضيك
يابوعقل مش مظبوط
لحظة جنة ولحظة بارود
وبعدين معاك
عايزني وياك
ولا كل واحد يروح في طريق
فهمني نورني ربي يخليك
انا عقلي شت مني
ضيعته في اوهامك
اصحى وكلمني
بتحبني وتعشقني
ولا بتتسلا بيا
شوف بقى بصراحة
مش حاستناك العمر كله
حتى اعرف نواياك
حاديلاك آخر فرصة
والا حاعملك جرصة
انا مستنيا منك جواب
تشرحلي فيه الأسباب
عن عقلك زي الهباب
عجل ورد علي
قبل ماقفل بوشك الباب
     عارف البديوي